Velhaa_Per aquihi que duermen nin
de LabPerm
Descrizione
Un bòt las pichòtas comunitats d’campanha eron acostumaas a se trobar a estable, ente mainaas, grands e vielhs dividion un espaci e un temp fachs de cicles naturals e istòrias. Lhi còrps vesins creavon e tramandavon l’imaginari, lhi sumis e las tradicions. En Val Maira e en Val Grana aquesti moments d’rescontre se chamavon velhaas; aquesta arditat comunitaria, essenciala per l’umanitat de tuchi lhi temps, semelha enca’ fòrta en lhi abitants d’aqueste territòri. Per una sera, LabPerm a transformat la part del Bioparco d’Caralh adobraa per lhi pic-nic ent’un estable per las velhaas, per una seissantena d’personas. Partent da las istòrias e da las reflexions culhias en la residença, lhi partecipants son estats envitats a contar e a condivider memòrias e aspiracions, alternant-se ai chants di còros presents.
LabPerm
Lo LabPerm, que nais ental ’97 da Domenico Castaldo e qu’es plaçat en l’ex Cementièri d’Sant Peire en Vincols a Turin, se presenta encuei coma un grop de cinq actors (Domenico Castaldo, Ginevra Giachetti, Marta Laneri, Rui Alber Padul e Natalia Sangiorgio). Dapè a las producions originalas, lo grop del LabPerm es fondator de L.U.P.A. Libera Università sulla Persona in Armonia, que promòu diferènts ensenhaments sus l’art d’l’actor e que colabora abo nombrós ensenhaires (escrivaires e poetas, actors, istòrics del teatre, psicòlogs). Una idea de teatre popolar ente l’art popolara es un fòrt exemple de veritat, umanitat e mincatant espiritualitat. “La paròla pòpol rend l’uman, lo simple, l’union d’personas liaas da una volontat, que s’respecton, e respecton una etica”. Diplomat al Teatre Stabil d’Turin ental ’93, Domenico Castaldo trabalha dal ’95 al ’97 al Workcenter d’Pontedera abo Jerzy Grotowsky e Thomas Richards.
