Vai Saber
de Manuela Cirino
Descrizione
D’estudis d’arqueo-astronomia di darriers ans fan cont que lhi abie de fòrts liams entre las copèlas, presentas sovent en l’arc alpin nòrd occidental, e d’estrops d’estelas. L’òbra Vai saber arsòna la relacion entre lhi pichòts garbs fongats en las ròchas en Val Grana e Val Maira e la constellacion d’la Poicinièra.
Ent’l’òbra, de peiras pilhaas aval son estaas portaas amont, d’ente benlèu eron arribaas. Portar-las enreire en l’espaci (amont) a vorgut dir portar-las enreire decò ental temp, arsonant aquelas eras da luenh, quora son estats realizats lhi petroglifs presents sus aqueste territòri. Lo volum plen des peiras devisa, per contraposicion, abo lhi garbs fongats des copèlas. Las set pèiras arsònon las set estelas pus importantas d’la constellacion d’la Poicinièra.
Aquestas pòtjon pas per tèrra, s’destachon lo tant que basta per se poner entre terra e cèl, fòra dal temp istòric ente vivem. Lo titol occitan Vai saber arsòna la natura ipotetica e ren segura d’l’origina des copèlas. Las informacions utilas a la projectacion d’l’òbra son estaas individuaas gracias a la consulença scientifica d’l’astrònom Alberto Cora, INAF Observatòri Astrofisic d’Turin.
Manuela Cirino
Manuela Cirino (1962) ista e trabalha a Novara e Milan.
A estudiat a l’Academia d’Belas Arts d’Brera abo Luciano Fabro. Ental 1988 a partecipat a un projèct expositiu, ideat e curat da lhi artistas, dal titol Politica del per o riguardante il cittadino a Neuve. Dal 1990 al 1993 a trabalhat a un projèct colectiu exponent decò a Care of e a la Galleria Massimo Minini. Après a tengut nombrosas mòstras personalas e colectivas. Dal 2012 al 2015 a presentat lo projèct L’Immagine Negata a la Galleria Martano e a la Galleria Milano, centrant la reflexion sal rapòrt entre òbra d’art e spectator.
Despuei lo principi enteressaa a indagar l’idea d’escultura declinaa en formas dubèrtas, adòbra decò de lengatges diferents coma la fotografia, lo desenh e la paròla. En la recercha d’encuei torna a de dediar a l’escultura e al concept de “sistema” per sa presentacion, abo una especiala atencion a l’empleg d’la ceramica, da sempre presenta en sa recercha.
