L’òbra fai dialogar mite e tradicion abo temas d’actualitats globals, coma la situacion climatica. Partent da las sugestions e da l’imaginari liats a la legenda del Dragon d’Draonier, que seria vivut sot lo Pont del Diaul, l’idea es aquela d’crear la percepcion que lo dragon sie enca’ ilai. Una tecnologia d’laser, juecs de clars, fums e sòns auja a desenhar un nòu livèl del riu, un metre pus aut d’aquel del riu Maira.

Lo laser abo lo fum ven evidenciat ent’una esclarzaa rossa d’flamas, mas ven decò anulat dai clars, creant una alternança entre realtat e fincion del riu. Entramentier se sent un chant delicat qu’arsòna lo complant del dragon, metafora d’aquel del riu. L’esperança es que l’òbra pòle sensibilizar lo public sus l’urgenta question ambientala del chambiament climatic e d’la suitina, e decò èsser un pòrta bonaür per un territòri qu’a sufèrt la manca d’aiga en l’istaa del 2022.