Materia Nòbla – navisa-te de ren desmentiar
de Maura Banfo
Descrizione
Maura Banfo a transformat en manifests, espanteats entre La Ròca, Moiòla e Gaiòla, las istòrias d’la val Estura, richas d’paròlas e figuras, de sugestions qu’estachon lo passat, la memòria, a valors e ensenhaments universals, a travèrs de paròlas icònicas. Fondamentals siei rescontres abo lo castanicultor Remo Degiovanni e lo grop d’ancians actius de “Insieme diamoci una mano odv”.
L’artista a escotat e culhit aquestas istòrias e lhi recòrds passats de generacion en generacion, una tradicion ente se mesclon cultura, trabalh, una economia liaa a la terra e a siei fruchs.
La castanha element visiu e icònic protagonista, siu pinìs que semelha un ni ideal, gardian d’una pratica d’trabalh de mal far, e pura un material d’òr, que garantia da viure. Lo castanhier de fach era chamat l’arbol del pan. La castanha deventa parelh un element alquemic que garda una memòria colectiva poetica (arsonaa ental titol decò la figura d’Nuto Revelli, naissut ental 1919 e mòrt ental 2004, escrivaire, oficial e partisan italian originari d’Coni qu’a rendut aquesti pòsts paisatge actiu de tanti siei contes coma en “Lo mondo di vinti” del 1977), ente l’artista, dins lo projèct “Materia Nobile – Ricordati di non dimenticare” pren de paròlas claus e las rend figuras magicas.
Maura Banfo
Son trabalh despuei lhi ans Novanta a marcat de moments importants ental sistema d’l’art contemporanea italiana, abo un argard e una presença importanta decò a livèl internacional. Maura Banfo es sempre estaa encharmaa da la materia: en sa recercha duraa detzenas d’ans abo exposicions, residenças d’artista e nombrós reconoissiments, a indagat abo atencion la realtat, partent da lhi objècts de tuchi lhi jorns restituits a travers la fotografia (e pas mec) coma nòvas entitats despuelhaas de lor esprit, arquitecturas da explorar, sot de ponchs de vista inedits per lhi durbir a de novèls còdes de sens.
Sa força es arribar a far sempre reconeisser sa peaa creativa e sa poetica, mas en una continua descuberta de novèls ponchs de vista: bèla si a pi cara la fotografia, es amanaa decò a far video e installacions. Sias òbras son presentas en nombrosas collecions privaas e publicas.
