![foto-opera_SaverioTodaro](https://www.beicaben.it/wp-content/uploads/2023/09/foto-opera_SaverioTodaro.jpg)
Avanguardia
de Saverio Todaro
Descrizione
Lo projèct a previst de pausar un metre cub d’peira d’Luserna ental beal Cereset, que banha la ruaa d’Saret del Borgat. L’òbra “Avanguardia” arsòna en la forma e ental titol lo moviment del Minimalisme, entre las neoavanguardias de lhi ans Seissanta, qu’a fondat s’la materia e la repeticion d’figuras geometricas elementaras sa pratica artistica. Lo titol pren en vir lhi procés industrials d’una economia estractiva qu’an roinat lhi equilibris naturals e ecològics del planeta.
La natura cairaa e recenta del blòc contrasta abo las peiras suelias ental beal: una sòrta d’forestier campat ent’l’aiga da la memòria del trabalh des lausieras encuei sarraas. L’òbra preve l’acion d’l’aiga coma relacion enseparabla. L’anarquia del temp e d’l’aiga liscarèn lo blòc e eventualas plenas lo meirarèn. Lo cub es un totem, ental temple liquid del riu Beal. D’aicì a un milion d’ans serè una peira entre las peiras.
![saverio-todaro](https://www.beicaben.it/wp-content/uploads/2023/09/saverio-todaro.webp)
Saverio Todaro
Saverio Todaro, naissut a Berna, ista a Turin ente a estudiat al Licèu Artistic e a l’Academia d’Belas Arts ental cors d’Escultura. Inspirat dai còdes d’la biologia e d’la comunicacion, comença a exponer al principi de lhi ans Novanta maquinas da escriure, taulas talhaas e DNA d’acier. Encuei sa recercha es tiraa da lhi scenaris que sòrton da la connession globala e dal contròl qu’ai sal mond: la gestion del saber, l’identitat del subjèct, las relacions socialas, l’economia, la religion, l’istòria qu’encuei l’òme escriu ent’l’aire.