Maraman
de Lavinia Raccanello
Descrizione
La paròla maraman (pronuncia: /maraˈmaŋ/), que vòl dir tot d’un crep, es adobraa en las valadas Grana e Maira. L’artista a realizat una installacion en plein air abo l’escricha maraman en acier corten. Plaçaa idealament al centre del territòri occitan d’Italia, l’Auta Val Maira a gardat, segurament decò gracias a l’isolament d’una part di siei vilatges, de caracteristicas tipicas de pronuncia e de lexic, abo nombrosas variantas d’occitan alpin. Ent’aqueste territòri l’occitan es coneissut decò coma nòstra mòda, la lenga d’familha que chambia da un paìs a l’autre, e mincatant fins da una ruaa a l’autra d’la mesma comuna. Raccanello, al contrari, a cerchat exprés una paròla pas mec importanta per lo territòri, mas caracterizaa da una correspondença entre sòn e senh, d’bel leser decò per aquelhi, coma italians e francés, que coneisson pas la lenga occitana.
Lavinia Raccanello
Lavinia Raccanello es una artista e escultritz italiana concentraa s’la relacion entre òmes, societat e justicia sociala, abo particolara atencion a la fòrça d’la pratica dialectica e partecipativa e a la batalha entre poder estatal e autonomia e responsabilitat personala. Abo una formacion en drech europèu e transnacional, Lavinia s’es laureaa abo lòd en Pittura e Arti Visive ental 2012 abo una recercha s’la disobediença civila e la resistença en las arts. Despuei lo 2011 son trabalh es estat protagonista de mòstras colectiva en Italia e fòra, de mòstras personalas a Glasgow, New York, Turin, Milan e Romainmôtier. A partecipat decò a nombrós programas de residença per artistas a la Fondazione Spinola Banna per l’Arte (Italia), Many Studio Graduate Residency Program (Gran Bretanha), Flux Factory (Estats Units), Many Mini Residency (Mexic), De Liceiras 18 (Portogal), Scottish Sculpture Workshop (Gran Bretanha), Summer School of Engaged Art (Allemanha) e Arc Artist Residency (Soissa).
