Beica ben!

Lo projèct vòl valorizar lo patrimòni cultural, naturalistic, del païsatge e l’oferta di servicis outdoor des valadas Grana, Maira e Estura, territòris acomunats, enca’ encuei, da la fòrta identitat culturala occitana. A travers lhi lengatges d’l’art contemporanea, sot la direccion artistica d’Olga Gambari lhi artistas an indagat las valadas a la recercha d’aquò qu’es autentic en chasque pòst, per restituir lors òbras.

Da l’autra part, lo territòri es decò valorizat a travers la creacion de paquets toristics que responden a las exigenças di diferents visitators, butant ensemp art, natura e gastronomia, per ofrir una vera experiença occitana.

Lo projèct es vorgut da la Comuna d’Caralh en collaboracion abo la Comuna d’Celas, la Comuna d’Montros, la Comuna d’Draonier, l’Union Montana Val d’Estura, l’Union Montana Val Maira e l’Union Montana Val Grana, lo Museu Occitan Sòn de Lenga d’l’Espaci Occitan, l’Associacion La Cevitou, lo Bioparco Acquaviva, lo Filatoio d’Caralh, La Cooperativa Sociala Floema, l’Ecomuseu Terra del Castelmagno, l’Ecomuseu Auta Val Maira, la Rete Ecomusei Piemont e la Region Piemont.

Lo projèct “Beica Ben!” es realizat abo lo sostenh d’la Fondazione Compagnia di San Paolo dins l’encastre del band «In luce. Valorizzare e raccontare las identità culturali dei territori» d’la Mission Creare attrattività d’l’Obiettivo Cultura, que vòl valorizar cultura e creativitat di territòris d’Piemont, Liguria e Val d’Aosta rendent-lhi pus d’bel frequentar e enteressants per las personas que lhi vivon e per lhi toristas, ent’una prospectiva d’esvilup sostenibil social e econòmic.